قیام امام حسین ع مولانا سید ابوالاعلی مودودی کی نظر میں

مقصد شھادت امام حسین ع

"لیکن سوال یہ ھے کہ امام حسین رض کی وہ کیا خصوصیت ھے جس کی وجہ سے برسھا برس گزر جانے پر بھی ھر سال ان کا غم تازہ ھوتا رھے؟ اگر یہ شہادت کسی مقصد عظیم کیلئے نہ تھی تو محظ ذاتی محبت وتعلق کی بنا پر صدیوں اس کا غم جاری رھنے کے کوئی معنی نہیں ھیں.اور خود امام کی اپنی نگاہ میں اس محض ذاتی وشخصی محبت کی کیا قدروقیمت ھوسکتی ھے؟ انہیں اگر اپنی ذات اس مقصد سے زیادہ عزیز ھوتی تو وہ اسے قربان ھی کیوں کرتے؟ ان کی یہ قربانی تو خود اس بات کا ثبوت ھے کہ وہ اس مقصد کو جان سے بڑھ کر عزیز رکھتے تھے.لہذا اگر ھم اس مقصد کیلئے کچھ نہ کریں،بلکہ اس کے خلاف کام کرتے رھیں تو محض ان کی ذات کیلئے گریہ وزاری کرکے اور ان کے قاتلوں پر لعن طعن کرکے قیامت کے روز نہ تو ھم امام ھی سے کسی داد کی امید رکھ سکتے ھیں اور نہ یہ توقع رکھ سکتے ھیں کہ ان کا خدا اس کی کوئی قدر کرے گا." 

مولانا سید ابوالاعلی مودودی